Å, mor, nå er dei farne
dei mange livsens år
Da var du vesle barnet
du no i hausten står

Men medan lauvet gløder
med fager haustleg glans
deg - kjærast mellom møder
me bind ein blomsterkrans

Og kvart eit blad skal vera
ei kjærleg takk til mor
Kvar blomen deg skal æra
for arven rik og stor

Men aldri nok me takkar
for alt me frå deg fekk
for alle tunge bakkar
som du for borna gjekk

Det var på oss du tenkte
det var for oss du sleit
Tidt sveittedråpen blenkte
og stundom tåra heit

Me veit at du det beste
i livet lærde oss
for foten finst eit feste
ved Jesu Kristi kross

Og difer er me glade
for kristen far og mor
Til Gud stig takkekvadet
for fagrast skatt på jord

Å mor, gjev du må vera
enn hjå oss mange år
med smil ditt haustgull bera
og venta livsens vår

No lyser aftan-elden
med gull på kvar ei sky
Me ynskjer sol i kvelden
og så - eit fagert gry.

Trygve Bjerkreim